《天能 TENET》入場前做足準備

大家都餓左戲咁耐，難得Christopher Nolan有新戲《天能》要上，個個睇完出嚟，又話燒腦，又話唔明，又話要即刻二刷。

其實唔使，只要你學識以下幾個詞語點解，你入到場就會舒服好多；老實講，我覺得Nolan呢一套戲已經解釋得相當直白易明，唔應該有咩難度。

由於我個人非常討厭被人劇透，所謂己所不欲，勿施於人，我係唔會寫任何劇情相關的東西，不過，我寫嘅嘢或者會影響你對劇情嘅理解，我有個 Term比呢個情況，叫「微劇透」。

舉個例，即係如果你喺睇《食神》之前，唔知道咩叫「乒乓波」，咁我喺呢篇文會解釋比你聽，所謂「乒乓波」即係一張枱，兩邊嘅人各自拎住球拍，將個波打過去對面。