Mario 的真相（故事時間線）
--
你咁天真以為Mario真係三十年都未救到Peach公主？
你以為 Peach 真係被 Bowser 捉走？
你以為Mario係個專一既老襯？
少年，你太年輕啦！
呢隻根本係一隻「捉姦在床但係又次次遲左少少等條八婆又扮受害者」既 Game。(我盡量跟時間線講）
故事由1981年講起：
1981 Donkey Kong [街機]
Mario 係一個地盤工人，係咁奴役一隻叫Donkey Kong既猩猩幫佢做野，叫佢係咁OT，得閒又冷言冷語，屌下佢咁。
於是Donkey Kong頂唔順，決定發起革命，於是佢綁架左Mario條女：
阿Pauline（無錯，你心目中既痴心情長劍Mario係有前女友既！）
咁阿Mario就去救阿Pauline，救完之後，佢因為引起騷動比人炒左
1983 Mario Bros. [街機]
由於量地，於是佢兄弟Luigi就介紹佢去Mushroom Kingdom幫人通坑渠。
咁阿Pauline就梗係唔會跟佢去通渠啦，仲收埋Donkey Kong做兵，建立佢自己既事業。
留意佢兄弟，果時頂帽仲係白色的！
1985 Super Mario Bros. [任天堂灰機]
咁佢兩兄弟通渠真係有一手，搞到Mushroom Kingdom既國王鬼咁高興，於是就收留左佢兩兄弟，係城堡呃飲呃食，當然，最重要既係，幫佢通渠。
點知有一日，Bowser見Mushroom Kingdom發展得咁好，就衝入去城堡諗住叫國王讓位比佢，國王梗係落閘放菇，啋你都有味啦。Bowser食左咁大個檸檬，嬲嬲豬，條氣唔順，見阿國王個女Peach公主都生得幾好樣，於是就順手捉左佢返去享用。
國王就諗起果兩個通渠佬都幾打得，叫佢地去救個女啦，救唔到，咪當政治婚姻囉。
於是Mario就山長水遠咁行去Bowser屋企，再掉左Bowser入佢屋企個熔岩池。
不過你又唔使擔心，正常人，如果唔識游水就唔會係屋企整個泳池，所以Bowser係識遊熔岩既，完全無事。只係條女就比個鬍鬚仔搶走左。
1988 Super Mario Bros. 2 [任天堂灰機]
搶左條女返黎，英雄救美，Mario即刻食住上，打算將Peach公主私有化。而亦因為謎一樣既原因，佢兄弟Luigi由呢集開始買左頂綠色既帽黎寸阿Mario。
