《大黃蜂》- 拍給蠢人看的蠢戲

認真，我好耐無試過係戲院出返黎之後係咁唔鐘意一套戲嘅。

但恭喜你呀！《大黃蜂》，你做到左！

因為我驚一陣間鬧得太長你無時間睇落去，所以我係呢度好簡短咁鬧一次先：

呢套戲呢，入面嘅所有角色，都係白痴黎；只有當觀眾白痴，先會咁樣寫劇本，先會咁樣處理D細節，先會咁樣描寫D奸角；而成件事最白痴嘅係，我居然比左一舊水真金百銀入去睇，所以話最白痴果個應該係我。

你睇我短短咁鬧左一段，就寫左四次「白痴」，你就可以想像到套戲其實係有幾咁白痴。

求其講少少你就知有幾咁白痴（有劇透，如果你想自己入場親身睇下佢有幾白痴，就唔好睇落去啦！）：

1. 主角大黃蜂智力同一隻狗差唔多

嗱！呢套戲其實應該叫《領養小狗大黃蜂》，即係阿大黃蜂你堂堂一個軍人，一個戰士，你失憶啫？點解會變左隻狗仔？