《奧術》究竟係唔係神作？

由 Neflix 制作，經由《League of Legend 英雄聯盟》改篇而成嘅動畫《奧術 Arcane》我用咗大約一星期時間，終於睇完，或者我先講個結論出嚟，等大家可以考慮投唔投資時間睇埋我剩返嘅幾千字，為咗方便大家，我會將呢句嘢又粗體又變大咁，因為真係好重要。

《奧術 Arcane》呢套動畫，就好似一個人，綁住雙手雙腳，但仍然喺20秒之內跑完100米咁痴線。

因為由遊戲改篇動畫，本身個故事創作一定會綁手綁腳，分別只係有啲綁得緊啲，有啲綁得無咁緊；而呢個LoL可以話係完全無一個主軸故事，只係有舞台設定同百幾個角色設定，聽落好似算係綁得無咁緊嗰隻，但實際上，呢百幾個角色之間有住千絲萬縷嘅關係，一個唔小心，就會引致同原作設定嘅矛盾。